18.5.2012
Uppskeruhátíð yngri flokka ÍR Handbolta verður laugardaginn 19. maí kl. 12:00 í Austurbergi.
Dagskrá er þétt, þar sem byrjað verður á upptöku á lagi og síðan verða verðlaunaafhendingar flokkanna í framhaldi af því og við endum síðan á því að grilla og opna niður í "Undirheima"og leyfa ykkur skoða þar niðri. En "Undirheimar" eru tæplega 600fm og þar verður ný félagsaðstaða ÍR Handbolta næsta vetur undir Austurbergi .
16.5.2012
S.l. miðvikudag 9. maí var sameiginleg æfing 11-12 ára iðkenda sem æfa í Laugardal og Breiðholti haldin í ÍR heimilinu. Dagskráin hófst á útileikjum í nágrenninu. Að þeim loknum ræddi Margrét Héðinsdóttir hjúkrunafræðingur og formaður deildarinnar við krakkana um vöxt og þroska og áhrif þeirra á æfingar. Að fyrirlestrinum loknum var farið yfir helstu verkefni sumarsins og endað á að horfa á mynd og borða saman. Krakkarnir hafa verið mjög dugleg í vetur og staðið sig með sóma í öllu því sem þau hafa tekið sér fyrir hendur.
16.5.2012
Uppskeruhátíð körfuknattfélags ÍR fór fram laugardaginn 12 maí í íþróttahúsi Seljaskóla.
Hátíðin byrjaði með spennandi keppni í Stinger. Í yngri hópnum bar Ingvar Hrafn Þorsteinsson úr minnibolta stráka sigur úr býtum og í eldri hópnum var það hann Ísak Máni Wíum úr 7. flokki stráka sem fór á kostum og stóð uppi sem sigurvegari.
Háð var svo skemmtileg keppni í Kýló milli foreldra og iðkenda. Sigurður þjálfari var sá eini sem náði glæsilegu heimahlaupi þar sem hann komst allan hringin, en hann var í liði með foreldrum, en leikarnir fóru 16-15 fyrir hinum frábæru iðkendum sem stunda körfuknattleik hjá ÍR.
Verðlaunahafar körfuknattdeildar ÍR fyrir tímabilið 2011-2012 eru eftirfarandi:
14.5.2012
Handknattleiksdeild ÍR fékk Unglingabikar HSÍ 2012, en hann er veittur árlega til þess félags sem þykir standa best að unglingamálum í handknattleik. Fimm manna nefnd á vegum HSÍ fer yfir gang mála hjá félögunum á hverju tímabili. Nefndina skipa fulltrúi fræðslunefndar, fulltrúi mótanefndar, mótastjóri HSÍ, íþróttastjóri HSÍ og fulltrúi landsliðsnefnda HSÍ.
Frábært fyrir félagið að fá þessi verðlaun og er þetta viðurkenning á því mikla og góða barna- og unglingastarfi sem unnið hefur verið hjá ÍR handbolta sem þykir hafa skarað framúr hvað varðar eflingu og viðhaldi á störfum yngri flokka.
Verðlaun þessi eru táknræn fyrir þá miklu uppbyggingu í yngri flokkum sem verið hefur síðasta ár undir styrkri stjórn Barna- og Unglingaráðs ÍR Handbolta (BOGUR) sem hefur öflugt þjálfarateymi og yfirþjálfara á sínum snærum, frábæra iðkendur og virka foreldra í öllum flokkum, enda er gott foreldrastarf góður rammi utan um starfið okkar og lykillinn að því að við náum árangri .
Við sáum á þessu tímabili að þannig gerum við stórkostlega hluti saman sem ein heild, enda er ævintýrið rétt að byrja í Breiðholti hjá ÍR Handbolta og við hvetjum alla til að taka virkan þátt í því á næsta tímabili með okkur strax frá upphafi.
Frábært !!!!!
14.5.2012
Nýverið skrifuðu Hertz bílaleiga og knattspyrnudeild ÍR undir 3ja ára samstarfssamning, þar með verður Hertz einn af aðalstuðningsaðilum knattspynudeildar.
Hluti af samning er nafnabreyting á leikvelli sem hér eftir kallast Hertz völlurinn. Aðkoma Hertz er glæsileg og til marks um þá uppbyggingu sem er í félaginu.
13.5.2012
Rúnólfur og Sjónni handsala saminginn
Sigurjón Björnsson hefur ákveðið að ganga til liðs við uppeldisfélagið sitt á nýjan leik. Sigurjón sem spilar stöðu hægri hornamanns er nýkrýndur Íslandsmeistari með HK þar sem hann hefur leikið undanfarin 2 ár. Sigurjón hefur gert tveggja ára samning við ÍR
Auk þess að leika með liðinu mun Sigurjón taka að sér þjálfun yngriflokka hjá félaginu.
Þetta er stór þáttur í styrkingu liðsins fyrir átökinn í N1 deildinni á næsta vetri þar sem ÍR-ingar ætla sér stóra hluti.
Við bjóðum Sigurjón velkominn í hópinn.
13.5.2012
Innilega til hamingju ÍR með verðlaunin á lokahófi HSÍ í gær. Kristófer, Davíð, Bjarki og síðast en alls ekki síst, Barna og unglingaráð með Unglingabikar HSÍ sem veittur er einu sinni á ári, því félagi sem stendur best að barna- og unglingamálum í handknattleik á ári hverju !!!
ÍR fékk eftirfarnadi verðlaun í gær.
Besti markmaður 1.deildar karla 2012: Kristófer Fannar – ÍR
Besti Þjálfari í 1.deild karla 2012: Bjarki Sigurðsson - ÍR
Leikmaður ársins í 1.deild karla 2012: Davíð Georgsson - ÍR
Unglingabikar HSÍ 2012: Barna- og unglingaráð ÍR Handbolta
ÍR er einfaldlega best til hamingju við öll , ÁFRAM ÍR!!!!
Verið vinir ÍR Handbolta á Facebook og fáið þannig myndir, fréttir og slúður beint í fréttaveituna ykkar.. >
ÍR Handbolti Facebook <
9.5.2012
