ÍR skokkarar - hlaup síðustu viku

Nokkrir ÍR skokkarar tóku þátt í Hlaupaseríu Atlantsolíu og FH sl. fimmtudag.

Hlaupaseríu Atlantsolíu og FH - Janúar
Hafnarfjörður, 26. janúar 2012

Karlar 30-39 ára
4      21,56     Ágúst Kristinsson                  ÍR Skokk    

Karlar 40-49 ára
18     27,19     Sigurður Freyr Jónatansson         ÍR Skokk 

Karlar 50-59 ára
7      24,56     Björn Ragnarsson                   ÍR      

Konur 50-59 ára
3      31,08     Bára Ásgeirsdóttir                 ÍR Skokk                                       

ÍR skokkarar halda 1. sætinu í Powerade hópakeppninni

Fjórða Powerade hlaup vetrarins var haldið 12. janúar sl. við frekar erfið brautarskilyrði, en ÍR skokkarar stóðu sig með glæsibrag og verma enn efsta sætið í hópa stigakeppninni.  Glæsilegur árangur !!

ÍR skokkarar verma jafnframt efstu sætin í nokkrum aldursflokkum í einstaklingskeppninni.  Sigurlín Birgisdóttir er 1. sæti í flokki 35-39 ára, Sigrún Barkardóttir í 1. sæti í flokki 45-49 ára, Védís H. Ármannsdóttir í 2. sæti í flokki 50-54 ára og Anna Sigrún Björnsdóttir í 1. sæti í flokki 55 ára og eldri.  Í aldursflokkum karla er Örnólfur Oddson í 1. sæti í aldursflokki 55-59 ára og í aldursflokki 60 ára og eldi er Grétar Einarsson í 3. sæti.

Nánari upplýsingar um árangur ÍR skokkara undir meira.     

Árangur ÍR skokkara í gamlárshlaupi ÍR

ÍR skokkarar fjölmenntu í Gamlárshlaup ÍR á Gamlársdag, ýmist sem þátttakendur eða til þess að leggja hönd á plóg við undirbúning og framkvæmd hlaupsins.    Björg Kristjánsdóttir varð efst í aldursflokki kvenna 55-59  og Anna Sigrún Björnsdóttir í þriðja sæti.  Grétar Einarsson varð í öðru sæti í aldursflokki karla 60 ára og eldri.  

Björg Árnadóttir hlaut búningaverðlaun þetta árið en hún hljóp sem súmóglímukappi í félagsskap með þeim félögum Karíus og Baktusi.  Sögur herma að Karíus og Baktus mæti gjarnan á æfingar hjá ÍR skokk.  Í fréttatíma RÚV á gamlársdag birtust nokkrir félagar okkar á skjánum [skoða frétt - ca á mín. 13.30].

Nánari upplýsingar um frammistöðu ÍR skokkara undir meira.

Fyrirlestur Sigga ÍR skokkara um þátttöku sína í IronMan

Sigurður Sigurðsson ÍR skokkari tók þátt í IronMan Florida (IMF) 5. nóvember sl. og hélt um miðjan desember fyrirlestur fyrir ÍR skokkara um undirbúninginn og sjálfa keppnina. ....

Gamlárshlaup ÍR

Gamlárshlaup ÍR verður þreytt í 36. sinn á Gamlársdag.  Sú skemmtilega hefð hefur skapast að hlauparar mæti í hinum ýmsu búningum og í ár verða veitt verðlaun fyrir bestu búningana.  Hlaupaleiðinni hefur verið breytt frá því sem áður hefur verið og að þessu sinni verður notast við flögur í tímamælingu. Rásmarkið verður við Hörpuna og nýja hlaupaleiðn liggur um Sæbraut, Vatnagarða og Klettagarða. Niðri akbraut Sæbrautar verður lokað fyrir umferð meðan á hlaupinu stendur.  Nánari upplýsingar um gamlárshlaupið er hér.

Powerade Vetrarhlaup 2011-2012 og Kaldárhlaupið

ÍR skokk er í efsta sæti í stigakeppni Powerade vetrarhlaupsins með 20 stiga forskot!  Glæsilegur árangur hjá ÍR skokkurum og nú verður að sjálfsögðu ekkert gefið eftir til að halda forskotinu !!  ÍR skokkarar stóðu sig jafnframt vel í Powerade hlaupinu sl. fimmtudag og eigum við fulltrúa í efstu sætum í nokkrum aldursflokkum og í einstalklings stigakeppninni vermir ÍR skokk efstu sætin í kvennaflokki.   Sigurjón Sigurbjörnsson var eini ÍR skokkarinn sem tók þátt í Kaldárhlaupinu sl. sunnudag og var hann í efsta sæti í sínum aldursflokki.  Árangur ÍR skokkara í hlaupum síðustu viku er undir meira.

Hlaupa annáll ÍR skokks

Örnólfur þjálfari ÍR skokks tók saman hlaupa-annál ÍR skokks fyrir uppskeruhátíð hópsins sem fór fram 12. nóvember sl.

Íslandsmet voru slegin og heill hellingur af PB sett í hinum ýmsum hlaupum, innanlands sem utanlands í vegalengdum frá 5 km til 100 km en auk þess átti hópurinn fulltrúa í Iron Man.  

Besti hlaupari ársins í hópi kvenna var Sif Jónsdóttir og Sigurjón Sigurbjörnsson skaraði fram úr í hópi karla.  Glæsilegur árangur á árinu !  Verðlaun fyrir mestu framfarir á árinu fengu Sigríður Gísladóttir og Sigurlín Birgisdóttir auk Jón Hafsteinssonar.  Kynning Örnólfs er aðgengileg [hér].