Uppskeruhátíð knattspyrnudeildar ÍR

Hin árlega uppskeruhátíð knattspyrnudeildar Íþróttafélags Reykjavíkur verður haldin laugardaginn 18. september n.k. í ÍR-heimilinu. Hátíðin hefst kl 11:30 og þangað eru iðkendur, foreldrar/forráðamenn og aðrir fjölskyldumeðlimir velkomnir. Þar verða veittar viðurkenningar fyrir ástundun í yngstu flokkunum, auk þess sem leikmenn ársins og þeir sem hafa tekið mestum framförum eru verðlaunaðir í eldri flokkunum þ.e. 3. 4. og 5. flokki karla og kvenna. Nýjir þjálfarar verða kynntir sem og þeir þjálfarar kvaddir sem láta af störfum.

Barna og unglingaráð mun sjá um grill og annað í lok hátíðar og á meðan er öllum velkomið að leika sér í knattþrautum á gerfigrasinu líkt og síðustu ár. Kl 14:00 mun meistaraflokkur ÍR spila sinn síðasta leik í sumar á móti Þrótti Reykjavík á Valbjarnarvellinum í Laugardal. Þangað viljum við hvetja alla ÍR-inga til að fara og styðja við bakið á strákunum.

Svo um kvöldið verður uppskera hjá eldri iðkendum ÍR þ.e. m.fl. og 2.fl. karla og kvenna. Húsið opnar kl. 19:00 en borðhald hefst kl. 20:00. Halldór Þ Halldórsson mun sjá um matinn en eins og undanfarin ár mun engin verða svikin af steikum hans. Miðaverði er stillt í hóf eins og áður eða 2500 kr. Nánari upplýsingar má fá á skrifstofu ÍR eða í síma 587-7080. Einnig verður hægt að kaupa miða hjá Braga í Leiksport. 

Við hvetjum ykkur ÍR-ingar til að fjölmenna og gleðjast með okkar fólki.